Contactez-nous sur : delil@banquezitouna.com

بنك الزيتونة

 

فمّا فرع مصرف زيتونة حلّ جديد بحذانا, تظهر بانكة باهية و متطورة و الله ماذابيا نولي حريف أمّا زعمة عندها كل المنتجات و الخدمات اللّي توفرها البنوك الأخرى؟

مصرف الزيتونة هو بنك شامل يتعامل مع الحرفاء الكل من افراد و مهنيين و شركات .. و يسعى باش يوفر كل المنتجات و الخدمات اللي يستحقوها الحرفاء…


بنك الزيتونة ليوم هو البنك الاسلامي في تونس و في الاشهار متاعو ديما يقول إلّي معاملاتو و المنتجات متاعو مطابقة للشريعة و حلال, شكون يضمنلي اللّي هذا صحيح؟

مصرف الزيتونة كيما أي بنك اسلامي لازم معاملاتو و تمويلاتو و العقود اللي يستعملها تكون متوافقة مع الشريعة الاسلامية.. و هذا تضمنو هيئة شرعية تابعة للبانكة متكونة من شيوخ و خبراء في المالية الاسلامية.. هيئة الفتوى هذي تراجع كل معاملات البانكة و تعطي توجيهاتها على كل ما تقدمو للحرفاء. بحيث المعاملات، و العقود، و الرسوم، و حتى الحالات استثنائية الكلها تِتْعْرَض على الهيئة الشرعية باش تاخو فيها قرار، و بعد القرارات هذي تتحط في محاضر اجتماعات و ترسل للإدارات المكلفة بالتنفيذ. هاكا علاش البنك الاسلامي ما عندو الحق يبدا في معاملة جديد ة الا ما توافق عليها الهيئة الشرعية.


عندي شوية فلوس و ماذابيا نجي لبنك الزيتونة و نخبيهم في حساب استثماري , أمّا فسرولي ياخي نجّم نربح كيما في البنوك الأخرى وبطريقة شرعية؟ و نجمشي من توّا نعرف قدّاش نجّم نربح؟

بالطبيعة يسمح مصرف الزيتونة لحرفاءو باش يستثمروا فلوسهم عندو و يحللهم حسابات توفير و لا حسابات استثمارية .. لكن اللي يميز مصرف الزيتونة انو ما يعطيش نسبة فائدة محددة مالاول .. يعني ما تقوللكش باش تربح مثلا 2 % لانو هذا ربا و موش مقبول شرعا… لكن الحريف يحط اموالو في البانكة, البانكة تمول بيها الافراد و المهنيين و الشركات في شراء منازل و سيارات و سلع و توريد و غيرها و بالطبيعة التمويلات هذه باش تجيب مرابيح للبانكة اللي باش تقسمهم هي و الحرفاء اللي استثمروا فلوسهم عندها حسب النسب اللي اتفقوا عليها من لول , و عادة ياخو البنك 30% من الربح و يوزع 70% على المودعيين متاعو.